Nýverið lauk úthlutunarferli tollkvóta á landbúnaðarvörum sem taka allir gildi 1. júlí nk. og gilda ýmist í 6 eða 12 mánuði. Í nær öllum tilvikum var umfram eftirspurn eftir tollkvótum og var þeim því úthlutað með útboði. Þetta kemur fram í frétt á vef Matvælaráðuneytisins. Um niðurstöður hverrar úthlutunar má lesa að neðan.
Niðurstöður úthlutunar á ESB tollkvótum
Þriðjudaginn 21. maí síðastliðinn rann út tilboðsfrestur í tollkvóta vegna innflutnings á landbúnaðarafurðum frá Evrópusambandinu samkvæmt reglugerð nr. 1176/2023 fyrir tímabilið 1. júlí til 31. desember 2024. Útboðsgjald tollkvóta ræðst af lægsta samþykkta tilboði í hverjum vörulið, þ.e. jafnvægisverði. Tilboð eru samþykkt frá hæsta boði til þess lægsta innan þess magns tollkvóta sem í boði er. Samtals bárust 23 tilboð í tollkvótann.
Magni tollkvóta sem auglýst var til umsóknar var úthlutað að fullu. Samanlagt var 1.906 tonna tollkvóta úthlutað og var meðalútboðsgjald 521 kr./kg.
| Vörulýsing | Tollkvóta úthlutað (kg) | Fjöldi samþykktra tilboða | Jafnvægisverð (kr./kg) |
| Nautgripakjöt | 348.000 | 11 | 520 |
| Svínakjöt | 350.000 | 8 | 398 |
| Alifuglakjöt | 428.000 | 12 | 589 |
| Alifuglakjöt* | 100.000 | 4 | 49 |
| Reykt og saltað kjöt | 50.000 | 10 | 349 |
| Sérostur ** | 115.000 | 8 | 0 |
| Ostur | 190.000 | 11 | 960 |
| Pylsur | 125.000 | 12 | 370 |
| Unnar kjötvörur | 200.000 | 11 | 851 |
(*) alifuglakjöt lífrænt ræktað/lausagöngu, í vörulið úr 0207
(**) skráð í samræmi við reglugerð ráðsins (EB) nr. 1151/2012 um vernd landfræðilegra merkinga og uppruna landbúnaðarafurða og matvæla. Úthlutað með hlutkesti.
Nánari upplýsingar um niðurstöður útboðsins má finna hér.
Niðurstöður úthlutunar á WTO tollkvótum
Þriðjudaginn 21. maí síðastliðinn rann út tilboðsfrestur í tollkvóta vegna innflutnings á landbúnaðarafurðum á grundvelli aðildarsamnings Íslands að Alþjóðaviðskiptastofnuninni (e. WTO) með vísan til 65. gr. búvörulaga nr. 99/1993, samkvæmt reglugerð nr. 477/2024 fyrir tímabilið 1. júlí 2024 til 30. júní 2025. Útboðsgjald tollkvóta ræðst af lægsta samþykkta tilboði í hverjum vörulið, þ.e. jafnvægisverði. Tilboð eru samþykkt frá hæsta boði til þess lægsta innan þess magns tollkvóta sem í boði er. Samtals bárust 13 tilboð í tollkvótann.
Magni tollkvóta sem auglýst var til umsóknar var úthlutað að fullu, nema fyrir smjör, kinda- og geitakjöt. Samanlagt var 547,5 tonna tollkvóta úthlutað og var meðalútboðsgjald 354 kr./kg.
| Vörulýsing | Tollkvóta úthlutað (kg) | Fjöldi samþ. tilboða | Jafnvægisverð (kr./kg) |
| Nautgripakjöt | 95.000 | 6 | 500 |
| Svínakjöt | 64.000 | 4 | 0 |
| Kinda- eða geitakjöt | 35.000 | 3 | 1 |
| Kjöt af alifuglum | 59.000 | 2 | 301 |
| Smjör og önnur fita | 13.500 | 3 | 1 |
| Ostur og ystingur | 119.000 | 3 | 551 |
| Fuglsegg | 76.000 | 2 | 61 |
| Unnar kjötvörur | 86.000 | 4 | 681 |
Nánari upplýsingar um niðurstöður útboðsins má finna hér.
Niðurstöður úthlutunar á EFTA tollkvótum
Þriðjudaginn 21. maí síðastliðinn rann út tilboðsfrestur í EFTA tollkvóta vegna innflutnings á landbúnaðarvörum frá Noregi og Sviss á grundvelli stofnsáttmála EFTA ríkjanna, með vísan til reglugerðar nr. 484/2024 fyrir tímabilið 1. júlí 2024 til 30. júní 2025. Útboðsgjald tollkvóta ræðst af lægsta samþykkta tilboði í hverjum vörulið, þ.e. jafnvægisverði. Tilboð eru samþykkt frá hæsta boði til þess lægsta innan þess magns tollkvóta sem í boði er. Samtals bárust fimm tilboð í tollkvótann.
Magni tollkvóta sem auglýst var til umsóknar var úthlutað að fullu. Samanlagt var 25 tonna tollkvóta úthlutað og var meðalútboðsgjald 36 kr./kg.
| Vörulýsing | Tollkvóta úthlutað (kg) | Fjöldi samþ. tilboða | Jafnvægisverð (kr./kg) |
| Nautgripakjöt | 10.000 | 1 | 1 |
| Ostur og ystingur | 15.000 | 2 | 59 |
Nánari upplýsingar um niðurstöður útboðsins má finna hér.
Niðurstöður úthlutunar á tollkvótum fyrir blóm
Þriðjudaginn 25. maí síðastliðinn rann út tilboðsfrestur í tollkvóta vegna innflutnings á blómum með vísan til 65. gr. búvörulaga nr. 99/1993 og til reglugerðar um úthlutun á tollkvótum vegna innflutnings á blómum, trjám o.fl. nr. 1178/2023 fyrir tímabilið 1. júlí 2024 til 31. desember 2024. Útboðsgjald tollkvóta ræðst af lægsta samþykkta tilboði í hverjum vörulið, þ.e. jafnvægisverði. Tilboð eru samþykkt frá hæsta boði til þess lægsta innan þess magns tollkvóta sem í boði er. Samtals bárust 3 tilboð í tollkvótann.
Magni tollkvóta sem auglýst var til umsóknar var úthlutað að fullu. Samanlagt var 125.250 stk. tollkvóta úthlutað og var meðalútboðsgjald 40 kr./stk.
| Vörulýsing | Tollkvóta úthlutað (stk.) | Fjöldi samþ. tilboða | Jafnvægisverð (kr./stk.) |
| Afskorin blóm | 118.750 | 2 | 39 |
| Tryggðablóm | 6.500 | 1 | 61 |